1. Դպրոցում որոշում են անվտանգության նպատակով տեսախցիկներ տեղադրել նաև դասասենյակներում։ Համաձա՞յն ես։
- Այո, անվտանգությունն առաջնային է
- Ոչ, դա կարող է խախտել անձնական կյանքի իրավունքը
- Միայն հստակ պայմաններով
Անվտանգությունն առաջնային է բայց անձնական կյանքի իրավունքը չխախտելու համար անհրաժեշտ են հստակ կանոններ
2. Քաղաքում հանցագործությունների աճի պատճառով ոստիկանությունն առաջարկում է երեկոյան ժամերին սահմանափակել անչափահասների տեղաշարժը։ Արդարացվա՞ծ է։
- Այո
- Ոչ
- Միայն ժամանակավորապես և հիմնավորված դեպքերում
Երեխաների պաշտպանության համար սահմանափակումը թույլատրելի է միայն իրական վտանգի դեպքում և կարճ ժամկետով
3. Համաճարակի ժամանակ պետությունը սահմանափակում է մարդկանց ազատ տեղաշարժը։ Արդյո՞ք դա ընդունելի է։
- Այո, հանրային առողջության համար
- Ոչ, ազատությունը չպետք է սահմանափակվի
- Այո, եթե անհրաժեշտ է և համաչափ
Մարդկանց առողջությունն առաջնային է բայց արգելքները չպետք է լինեն չափազանց խիստ ու անհիմն
4. Դպրոցի ղեկավարությունը որոշում է անվտանգության նպատակով ստուգել բոլոր սովորողների պայուսակները։ Արդա՞ր է այդ որոշումը։
- Այո, բոլորի անվտանգությունն է կարևոր
- Ոչ, դա անհիմն միջամտություն է
- Միայն որոշակի վտանգի և հստակ կանոնների դեպքում
Առանց լուրջ պատճառի բոլորին ստուգելը խախտում է անձնական տարածքի իրավունքը դրա համար հստակ հիմք է պետք
5. Սոցիալական ցանցերում տարածվում է հաղորդագրություն, որը կարող է խուճապ առաջացնել։ Պետությունը պահանջում է հեռացնել այն։ Համաձա՞յն ես։
- Այո, եթե տեղեկությունը վտանգավոր է
- Ոչ, դա կարող է սահմանափակել խոսքի ազատությունը
- Միայն անկախ ստուգումից հետո
Առանց ստուգման հեռացնելը կարող է վերածվել գրաքննության և խախտել խոսքի ազատությունը
6. Մեծ հանրային միջոցառման ժամանակ անվտանգության ծառայությունը պահանջում է ստուգել մասնակիցների անձնական իրերը։ Կընդունե՞ս։
- Այո
- Ոչ
- Այո, եթե կանոնները հավասար են բոլորի համար
Հանրային անվտանգության համար ստուգումն ընդունելի է եթե այն արդար է և առանց խտրականության
7. Դպրոցում սովորողներից մեկը հրապարակայնորեն քննադատում է ղեկավարությանը։ Նրան առաջարկում են լռել՝ դպրոցում լարվածություն չառաջացնելու համար։ Արդարացվա՞ծ է։
- Այո, հանուն հանգստության
- Ոչ, քննադատությունը ազատ արտահայտվելու իրավունք է
- Կախված է խոսքի բովանդակությունից
Յուրաքանչյուր ոք իրավունք ունի ազատ կարծիք հայտնել եթե դա վիրավորանք կամ բռնության կոչ չէ
8. Անվտանգության նկատառումներով պետությունը ցանկանում է վերահսկել քաղաքացիների առցանց հաղորդակցությունը։ Կաջակցե՞ս։
- Այո, հանցագործությունները կանխելու համար
- Ոչ, դա վտանգում է գաղտնիությունը
- Միայն օրենքով սահմանված խիստ վերահսկողությամբ
Անձնական նամակագրությունը գաղտնի է և այն կարելի է ստուգել միայն բացառիկ դեպքերում օրենքով
9. Դպրոցում տեղի ունեցած միջադեպից հետո բոլոր սովորողներին արգելում են ընդմիջումներին դուրս գալ բակ։ Արդա՞ր է բոլորին սահմանափակելը։
- Այո, անվտանգության համար
- Ոչ, բոլորին պատժելը անարդար է
- Միայն կարճ ժամանակով՝ անմիջական վտանգի դեպքում
Մի քանիսի պատճառով բոլորին պատժելն անարդար է արգելքը տեղին է միայն մինչև վտանգի անցնելը
10. Քաղաքում նախատեսված խաղաղ ցույցը սահմանափակվում է անվտանգության հնարավոր վտանգի պատճառով Ի՞նչ որոշում կկայացնեիր։
- Թույլ կտայի սահմանափակումը
- Կպաշտպանեի ցույց անցկացնելու իրավունքը
- Կառաջարկեի ավելի անվտանգ վայր կամ պայմաններ
Խաղաղ ցույցն իրավունք է ուստի արգելելու փոխարեն պետք է ապահովել անվտանգ պայմաններ












